仲有一份拖欠了很久的功課，真對不起CC老師，唔好記我大過呀！

遊戲方式： 回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方。

這兩本書書係媽媽買畀瀅瀅，有特別用途架，不如大家估吓有咩用。。。

打開睇吓，好多印仔噃。。。

因為上星期四，五係學校假期，而星期一瀅瀅的感冒還未痊癒，所以自天氣轉涼後，昨日才第一次上學。

但學校的冬季校服還未派發（其實上月已訂購，還付了款呢），件夏季校裙鬼屎咁單薄，昨日上學前，媽媽真的很傷腦筋，究竟應該點着呢？

結果，為免瀅瀅着涼（其實瀅瀅的感冒及氣管敏感還未痊癒），媽媽同瀅瀅着到很騎呢：夏季校裙內穿了件圓領長袖底衫，還穿了條三個骨單車褲，外加學校的長袖線衫及圍裙仔，最後外面穿了件搲毛風褸（風褸去到學校便會除）！

可惜昨日時間緊迫，沒有替瀅瀅拍照，影低瀅瀅個呢個騎呢look，呵呵

日期：2008/11/9

時間：10:00 a.m.

地點：根德園幼稚園

根德園是＂壓軸＂的K1面試了。

那天早上瀅瀅早上醒來，精神飽滿，心情也很愉快！媽媽告訴瀅瀅：＂我哋又可以去遊樂場玩了！＂

點知去到學校，一如St. Cat般，可能因為太多人要面試，時間所限；又可能唔怕你唔讀，所以學校方面沒有招待家長們參觀學校，當然也沒有座談會！

我哋早了半小時到逹學校，結果9:45可以入內面試，9:52就已面試完畢，沒有參觀學校，學校環境及設施如何並不知道，只有喺等緊面試期間，在近門處的滑梯玩咗一陣。。。

無無聊聊等候期間，同爸爸玩單腳跳。。。就算冇遊樂場，只係跑跑跳跳都玩得咁開心！

每年年尾，各大電子傳媒都有頒獎典禮，估唔到我哋的playgroup都有個頒獎禮－－2008«卓越之星»頒獎禮。

瀅瀅都有份攞奬呀！仲係兩個咁多添！

除咗奬牌，仲有禮物添噃！

日期: 2008/11/08

時間: 9:00 a.m.

地點: 又一村學校

因為多數的學校都會在十一月舉行面試，很多時會”撞日子”，之前媽媽都擔心密集式的面試會使到瀅瀅吃不消，誰不知瀅瀅不知幾開心，好似去遊樂場玩咁，玩到唔捨得走！

這可能係因為媽媽本身對面試的得失睇得很淡，媽媽的想法係作為父母，想畀好啲嘅嘢佢，既然人家都說九龍塘區的學校師資優良，咪畀個機會瀅瀅試吓考，能考到與否其實並不是很介意，所以從來都冇畀壓力自己同瀅瀅，更加冇因為要面試而”谷”瀅瀅，同佢溫習，只係喺面試前畀心理準備佢，有人會問佢問題，希望她能勇敢面對，所以媽媽視面試為一種訓練，希望經過這輪的面試後，瀅瀅可以放膽喺陌生的環境中面對陌生人；另外媽媽覺得這也是一項親子活動，當作去開放日般參觀學校，而瀅瀅每次都玩得好開心呢！

今日我哋要去的呢間學校，校舍非常大，一入到去就見到偌大的操場，停放了很多車輛及單車，又有兩個很大的兒童遊樂場，很吸引呀！

雖然校舍舊了點，但操場周圍種植了不了樹木，感覺幾舒服！很高大的芒果樹呢！

今個星期學校派第一份的成績表－－8月-10月的兒童發展進度評估表．．．

今個星期學校又有禮物喇．．．

日期：　2008/11/07　 

時間：　9:45 a.m.

地點：　國際英文幼稚園

昨日瀅瀅發高燒，媽媽本來擔心瀅瀅唔舒服，今日不能去面試，幸好吃了藥後燒很快就退了，只係間中有微燒，而且精神相當不錯（其實係精靈到完全睇唔出病緊），估計今日應該可以出席。。。

昨晚試衫，免得又好似上次咁，臨出門時才發覺唔啱着咁狼狽！

昨晚瀅瀅發高燒（又病了），半夜燒到39.3ºC，媽媽瞓喺佢旁邊，覺得佢似一個火爐，呼出來的氣都熱熱的，因為擔心會越燒越高，又要不時抹汗及量體溫，攪到成晚都冇覺好瞓，好不容易捱到天光，媽媽才剛熟睡了不久。。。點之，成晚都瞓得唔好的瀅瀅，居然早上七時多就瞓醒，比平時還早呢，而且仲鬼咁棈靈，完全唔似一個瞓得唔夠兼病緊的人，媽媽帶佢睇醫生時，覺得自己累到腳步浮浮暈陀陀，比瀅瀅更似一個病人呢！

有一樣嘢瀅瀅從BB到現在都很值得讚許，就是睇醫生同食藥從不扭計。。。